أساسيات
معلومات الدراسة بالخارج : Before you leave - يجب قراءته

يلا هيني مسافر!

بواسطة
1663

 

بطلع مع شوفير التكسي ،، بعد ما تخلص المواضيع المعتادةعن الشغل والجو الشوب والبنات  وانه معوش يدفع ضمان التكسي  ببلش فيي انا

 !! يا زلمه انا شايفك قبل هالمره !! ( هاد السؤال بستدرجك فيه مشان يسألك شو اسمك ووين بتشتغل ووين ساكن ومين صحابك )

 انا اسمي عمر زوربا ،، بتعرفني اشي ؟!

عمر شو ؟! الزعبي؟!

لا زوربا زوربا ،،

 اول مره بسمع فيه زوربا ،، شكلك من المكسيك؟!  انتا من وين يا خال ؟!

انا أردني فلسطيني !! من نابلس

 اه حيّاك الله يا خال.. انت شو بتشتغل يا خال ؟! والله انا قاعد بشتغلش كتير ،، حسب الموسم بشتغل ،، يلا بعين الله ،، ما في حدا مرتاح

 بقولو انا ،، لا يا خال في كتير ناس مرتاحين عادي ،، امورهم تمام وصحتهم تمام !!

بيقولي بدك نصيحتي ؟! سافر ،، روح سافر ،، اطلع من هالبلد سافر ،، روح سافر واشتغل و لم ليرات.. غيبلك عشر خمسطعشر سنه و ارجع ،، ابني بيت و عماره وتجوز و زبط وضعك !!
...

بعرفش ليش في ناس كلمة ( سافر ) عندهم كتير سهله ،، بحسسوك انو السفر عالكبسة ،، يعني شوفير التكسي بحسسني انو خلص رح يوصلني عالمطار و اسافر !!! او انا نص البلاد الخليجيه والاوروبيه فاتحين ايديهم و بستنو فيي  و بحكولي تعال يا زوربا ،، تعال لم مصاري و ارجع ،، تعال يا كبير تعال !!

سافر! ليش قاعد هون ،، روح سافر ،، سافر سافر ،، ولك سافر ،، روح اطلع سافر ،، لا تضلك هون سافر ،، سافر سافر سافر ،، ولك روح بعدك بأول عمرك سافر ،،

يلا هيني مسافر!

 

البحث عن الدورات

الوجهة الدراسية
دراسات عليا
عــن الكاتب

كاتب و محلل إجتماعي، أهتم بعرض و مناقشة عدة مواضيع إجتماعية بطريقة ساخرة

ألقي نظرة...