It تكنولوجيا المعلومات

الخبرة العامة

تجربة رائعة

تتميز جامعة سوانزي بموقعها الفريد من نوعه. يقع حرم الجامعة علي الساحل مباشرة حقًا انه مكان رائع مع شواطئ جميلة.
الدراسة فيها ممتعة وجميلة فالمدرسين متعاونون ومتميزون بمستواهم العلمي العالى وشرحهم المستفيض ولقد تعاملوا مع الدراسة عن بعد بشكل جيد حقًا و بمنتهى الحرفية فى ظل ظروف الكورونا التى يمر بها العالم كله. جميع المرافق والمواد الدراسية على أعلى مستوى ، ومتوفرة بكل  سهولة و يسر ويسهل لأى طالب الوصول إليها.
 الطلبة يقصدون  جامعة سوانزي للدراسة فيها و يأتون من جميع دول العالم مما يتيح فرصة رائعة للتعارف .

تتميز جامعة سوانزي بموقعها الفريد من نوعه. يقع حرم الجامعة علي الساحل مباشرة حقًا انه مكان رائع مع شواطئ جميلة. الدراسة فيها ممتعة وجميلة فالمدرسين متعاونون ومتميزون بمستواهم العلمي العالى وشرحهم المستفيض ولقد تعاملوا مع الدراسة عن بعد بشكل جيد حقًا و بمنتهى الحرفية فى ظل ظروف الكورونا التى يمر بها العالم كله. جميع المرافق والمواد الدراسية على أعلى مستوى ، ومتوفرة بكل سهولة و يسر ويسهل لأى طالب الوصول إليها. الطلبة يقصدون جامعة سوانزي للدراسة فيها و يأتون من جميع دول العالم مما يتيح فرصة رائعة للتعارف .

القانون

Law LLB

الخبرة العامة

جامعة مميزة وتجربة فريدة من الناحية الدراسية والمعيشية

أنا محمد من مصر وبدرس القانون في جامعة سوانزي. الحقيقة إن المشكلة اللي قابلتني وأنا بقدم للدراسة في بريطانيا كانت نقص التعليقات والمراجعات اللي موجوده أون لاين عن الجامعات في بريطانيا. قررت إني أدرس في جامعة سوانزي وكنت قلقان لحد ما جيت وشوفت كل حاجة بنفسي. حقيقي أنا سعيد جداً بتجربتي هنا من كل النواحي. جامعة سوانزي ليها مقرين: باي كامبوس وسنجلتون كامبوس، الأتنين تحفة بالمعنى الحرفي للكلمة. خدمات مميزة ومتوفرة دائما ومساحة واسعة. ولكن أجمل حاجة حبيتها في جامعة سوانزي هي إن الجامعة حقيقي مهتمة تاخد رأي من الطلاب فيما يتعلق بدراستهم وحياتهم عموما في سوانزي وحابين إن هما يصححوا أي خطا أو مشكلة موجودة فوراً. من الحاجات المميزة هنا برده هي النشاطات المتعددة التابعة لإتحاد الطلاب. كم هائل من النوادي القائمة على نشاطات طلابية ودي طبعاً حاجة مفيدة جداً من ناحية الخبرة العملية. ألحقيقة في حاجات كتير لا تعد ومميزات لجامعة سوانزي لو فضلت أكتب عنها مش هنخلص. أما من ناحية المعيشة في مدينة سوانزي نفسها فهي ممتعة جداً، بدايةً من الشاطئ الجميل اللي على بعد دقيقتين من الجامعة، ومروراً بالحدائق الخضراء والمناطق الطبيعية الخلابة المنتشرة في سوانزي وأهل سوانزي الطيبين، دا غير إنها مدينة ممتلئة بالأماكن الترفيهية والمتاجر العالمية. أنا شخصياً مبسوط جداً عشان شباك الأوضة اللي أنا مقيم فيها في الجامعة بيطل على البحر. تخيل تقعد قدام البحر طول مدة دراستك. حقيقي حاجة مش موجودة في أي جامعة تانية. 

أنا محمد من مصر وبدرس القانون في جامعة سوانزي. الحقيقة إن المشكلة اللي قابلتني وأنا بقدم للدراسة في بريطانيا كانت نقص التعليقات والمراجعات اللي موجوده أون لاين عن الجامعات في بريطانيا. قررت إني أدرس في جامعة سوانزي وكنت قلقان لحد ما جيت وشوفت كل حاجة بنفسي. حقيقي أنا سعيد جداً بتجربتي هنا من كل النواحي. جامعة سوانزي ليها مقرين: باي كامبوس وسنجلتون كامبوس، الأتنين تحفة بالمعنى الحرفي للكلمة. خدمات مميزة ومتوفرة دائما ومساحة واسعة. ولكن أجمل حاجة حبيتها في جامعة سوانزي هي إن الجامعة حقيقي مهتمة تاخد رأي من الطلاب فيما يتعلق بدراستهم وحياتهم عموما في سوانزي وحابين إن هما يصححوا أي خطا أو مشكلة موجودة فوراً. من الحاجات المميزة هنا برده هي النشاطات المتعددة التابعة لإتحاد الطلاب. كم هائل من النوادي القائمة على نشاطات طلابية ودي طبعاً حاجة مفيدة جداً من ناحية الخبرة العملية. ألحقيقة في حاجات كتير لا تعد ومميزات لجامعة سوانزي لو فضلت أكتب عنها مش هنخلص. أما من ناحية المعيشة في مدينة سوانزي نفسها فهي ممتعة جداً، بدايةً من الشاطئ الجميل اللي على بعد دقيقتين من الجامعة، ومروراً بالحدائق الخضراء والمناطق الطبيعية الخلابة المنتشرة في سوانزي وأهل سوانزي الطيبين، دا غير إنها مدينة ممتلئة بالأماكن الترفيهية والمتاجر العالمية. أنا شخصياً مبسوط جداً عشان شباك الأوضة اللي أنا مقيم فيها في الجامعة بيطل على البحر. تخيل تقعد قدام البحر طول مدة دراستك. حقيقي حاجة مش موجودة في أي جامعة تانية.